كلب الشعايبة

هذه مشاركة بالرأى فى موضع ساخر وقمة السياسة لمن يجهد عقله


شغب: ديك كاري وديك ام قاسم * يوسف غيشان

الأسبوع الماضي اصدرت محكمة بريطانية حكما يقضي بتغريم المدعوة كاري توماس مبلغا يعادل ألف دولار لأنها تربي ديكا يزعج الجيران فيصدح بصوته في الهزيع الأخير من الليل.الديك يذكرنا بالقديس بطرس الذي انكر معرفته بالمسيح ثلاث مرات قبل ان يصيح الديك ، حسب نبوءة السيد المسيح في العشاء السري . كما يذكرنا الديك بقصة أم قاسم ، التي بعد وفاة زوجها قامت بتربية ديك في البيت وكانت تحادثة وتسميه ابو قاسم..حتى يخاف اللصوص ، فاعتقد أقاربها بأنها تعاشر احدا ما . وأترككم مع جزء من مذكرات أم قاسم كما وصلتني عبر الحمام الزاجل:(....شايف يا ابو قاسم ... والله انك زلمه اكثر منهم كلهم... ألهم من يوم ما مات المرحوم ماحدا قرب من عتبة داري ، ولا حدا اتفقدني .. لا اخو ولا ابو ولا خال ولا عم .. ولا حتى ابن يا ابو قاسم ... ولما سمعوا اني بحكي معك دشعوا كلهم حاملين بواريدهم وخناجرهم مشان يقطعوني ... قال ايش يا ابو قاسم؟؟ قال خايفين على شرفهم ... بفكروني عايبه زيهم...الله يلعن...........،،لأ...لأ يا ابو قاسم ... ما بدي العنهم...لانهم بظلوا اولادي وخواني وقرايبي ، حتى لو كسروا قلبي مابهونلي فيهم ....الله يسامحهم ... الله يسامحهم يا ابو قاسم.تركوني لحالي يا ابو قاسم ... ما غلبوا حالهم يسألوا كيف بوكل ولا كيف بشرب وكيف مدبره اموري ، وبجوز ما رح يعرفوا اني مت الا اذا طلعت الريحة وضايقتهم. لكن الله يسامحهم ... الله يسامحهم ، وانا الي الله ، وانته كمان يا ابو قاسم.بس انا مش عارفه ليش مراجلهم ع بعض ... اي لما تصير هوشة في الحارة يا ابو قاسم .... ما تشوف عينك الا النور ... يالله يالله بتحجزوا عن بعض وما بتركوا بعض الا بعد يا يفشّخوا بعضهم بالدموس والدبش .... اما لما الغريب يدهمهم.. بتلقاهم مثل الارانب بتنطنطوا قدامه.. مش بس هيك في ناس منهم بفزع مع الغريب ع اخوه وابن عمه.... يا قشلي،،ويا ريت الأمور بتظل ع هيك يا ابو قاسم .... مشاكل حارات وبتنحل بفنجان قهوة ، لكنهم هيك بتصرفوا وبعملوا في دولهم ومع بعضهم حتى صرنا مضحكة للعالم .هيك عملوا مع فلسطين ،وهيك بعملوا مع العراق ،ومع سوريا،ومع لبنان،انا مني وعلي ... الله يسامحهم علي عملوه معي بس يا ابو قاسم الله لا يسامحهم عللي بعملوه مع بعضهم...الله لا يسامحهم،،ghishan@gmail.com
التاريخ : 19-06-2008






1- آآآآآآآآآآآآآآآه
هاني وسهران لحالي 6/19/2008 1:20:12 AM بتوقيت الأردن
الله يسعد صباحك انت وكل قرايبك
2- ابو قاسم
صالح صالح 6/19/2008 4:43:05 AM بتوقيت الأردن
ابو قاسم..لما رفعوني عشان يصلبوني..فرحت عشان كنت فوق وشايف كل حبايبي..ولما دقوا في إيدي المسامير كنت خايف على إيديهم من الشاكوش..أبو قاسم..لما نزل دمي وتصفى على الأرض قلت في بالي مين بدو ينظفو?ابو قاسم..عملو من شراييني كرابيج وجلدوني فيها..ابو قاسم خلعوا عظامي وعملولي منها خوازيق..ابو قاسم ما ضل عندي دموع..الله يسامحني ليش ما عندي ألف روح عشان يضلوا يعذبوا في ويموتوا في ويتسلوا..ابو قاسم..مش زعلان على حالي قد ما أنا زعلان إنه إحنا وصلنا لهالمرحلة..شايف قدامي يا أبو قاسم أشياء بتتحرك وتركب سيارات وبتتسلى في التعذيب..بس يا ابو قاسم مش شايف بشر
3- تصوير بليغ
أبوتايه الحويطي 6/19/2008 5:32:22 AM بتوقيت الأردن
يسعد صباحك أستاذ يوسفأستطاعت أم قاسم تصوير الواقع المرير لأحوالنا بكل بساطةشكرآ أستاذي وتقبل تحياتي
4- شراء الارانب
حاتم فائق النابلسي 6/19/2008 7:21:27 AM بتوقيت الأردن
يازلمة مبارح روحت ادور على ارنب يازلمة كنت اخذوه 2دينارين هسعيات ب 4
5- مضحكة
سامر زكي المدانات/ الإمارات العربية المتحدة 6/19/2008 7:22:05 AM بتوقيت الأردن
أسعد الله أوقاتك أستاذ المشاغبينالمعضلة الكبيرة في شارعنا العربي بشكل عام إنه ما بنتشاطر إلا على بعض. وبس يصيح ديك الخطر الكل بستنجد وبقول وا أمريكا. نسيوا إنه وامعتصماه لما بتطلع من الفم أجمل ومفهومة ومغزاها معلوم في كل دولنا العربية.بس بتعرف بنستاهل، زي لما بنقولها عن أحدهم لويش نافش ريشه، خليه الله لا يرده ليش ما بسمع الكلام ما هو اللي حاط خشمه بين البصله وقشرتها ما بنول إلا ريحتها.أسعد الله أوقاتك وأوقات أمتنا (وأبونا) العربية.
6- جاج مزارع
د.عادل حامد 6/19/2008 9:39:54 AM بتوقيت الأردن
اظن ان هذا الديك سوف يصاب بالاكتئاب وسوف يظل :يفلي : بريشه لغاية ما يسقط عنه كل الريش ويروح يمشي في الشارع " مشلح " مثل ما يوم جابته امه او يوم ما طلع من البيضه .ويتبعه اهل الحاره وهم يهتفون : مجنون ...مجنون .فيرد عليهم :والله اني اعقل من اعقل واحد فيكم يا جاج المزارع .
7- نقد الذات
مهتم 6/19/2008 9:42:27 AM بتوقيت الأردن
ودخلك من مليون سنة العرب شو اختلفتطول عمرها قبائل وبينها غزو وسلب وسباياوطول عمرها بتكرم الغريب "الضيف" حتى ولو هتك عرضها نزار قباني كتب نثر اسمه العربي الجميلانا بعتبر نثره هاد هو تاريخ لم ولن يتغيرطول عمرنا مستباحين من الغريب ودمنا حامي على القريبواصدق مثال جرائم الشرفبندبح بنتنا لكن ما بنصيب الغرر فيها!!!سيبك من الديوك والجاجاحنا دمنا هيك لحمنا هيك عمرنا مارح نتغيرانا واخوي على ابن عميوانا وابن عمي على الغريببس الجزء التاني مشكوك بصحته واغلب الظن انه مدسوسمقالاتك مميزة لكنها اسلوب لنقد النفس دون اي بادرة للحلفي كتير مواضيع تعتبر خبزنا اليوميمنها مسخرة احالة عطاءات عيش كريمومسخرة اتفاقيات البترول مع العراق التي لم تنفذ لتاريخةو و و وخليك معنا في هموم يومناصحيح ياريت لو في نسخة من كتابك الجديد بصيغة pdf خلي الواحد يقراه على الانترنت
8- مقال بليغ
مهستر 6/19/2008 10:17:21 AM بتوقيت الأردن
مقالك يمثل الزلم الي بتعمل الفضايحوبتشوفش الا الوجه القبيح لللنقدوالحلفان بالشرف الكاذب الي كل يومبدوسو على بالجزمه القديمه وهم متواطئين حتى شوشة الي خلفوهم.والاشي المخزي انه بوكل الكف وبنحرق والدين والدينه وبقوم يضرباهله وبخلي الغريب يدوس ببطنه وهوبساعدهم على تثبيته وبس يخلص الغريب بيقوم يبكي معاه ويمسح جروحه ويقولو خصب عني.كل الكلمات الدنيه قليل على هالتشبيه البليغ من الظلم والحرمانوالقهر الذي يعيشه المواطن العربيالغلبات.وكثرلي من هالدموس لان الدمس السلاح الاول القابل للتطويرالى دموس النخوه والكرامه المهدورهعلى اعتاب البيت الابيض.ويدومولي دموسك.احترامي.
9- لعله خير..
صالح إبن أبو صالح 6/19/2008 10:25:10 AM بتوقيت الأردن
أبو قاسم شكرا لوقفتك معي لأنك الزلمه الوحيد بهالزمن الأغبر.. بتعرف يا أبو قاسم أنه هالأيام الواحده فينا بتشوف العجايب.. الكذابين سوقهم اللي ماشي.. والحرامية بيحكوا في الأمانه... والفاسدين بيحكوا في الأخلاق ... والغريب إنهم جريئين لحد الوقاحة ...والمشكله الأكبر إنه الناس ساكته على الغلط ... ترى أمس ما غطًت عني بالنوم يا أبو قاسم إلا الصبح ... إلا لمًا سمعت صوتك ...طول الليل وأنا بفكر بهالدنيا... و وشو آخرتها ... ولما سمعت صوتك الصبح مثل ما قلتلك...حسيت إنه الدنيا لسه بخير.. لأنه بيها ناس مثلك صادقين ...وما ينتحلوا شخصيه ثانيه مش إلهم.. أنا بعرف إنهم مزيفين ..بس الله يهديهم..بتعرف يا أبو قاسم.. صدقني إنك الوحيد اللي مخلليني أتمسك بهالدنيا الرايحه...لأنك الزلمه الوحيد بحقيق...
10- عرفت
احمد الدهني 6/19/2008 4:59:01 PM بتوقيت الأردن
عزيزي المحترم تحيه وبعدعرفت عن مين انت تسولف .اكيد عن جارتنا ام قاسم واولادها التسعه كل يوم يتهاوشوا على اتفه الاسباب وتلاقي دمهم معبي الشارع وحالفين المناحيس ما يتفقوا رغم محاولات ام قاسم التعيسه اللي تجمعهم بالبيت ياكلوا طبيخاتها وبس يطلعوا تولع من جديد امبارح كانت المركه على الولاد الصغار واليوم على حدود الارض وابصر بكره عليش مع ان اب تيسير وجماعته كسروا روس ولادهم وسرقوا مزارعهم وخضرتهم ومية نبعتهم مع يتشاطروا عابعضهم وعاام قاسم المسكينه جننوا الختياره ودبوا الصراع بروسنا كذب بكذب ولا احنا سامعين رعد ولا شايفين مطر .ودمت ايها المنحوس
11- رائع
مرام 6/19/2008 5:01:12 PM بتوقيت الأردن
والله المقال رائع والاروع هذه التعليقات وخاصة تعليق الأخ صالح...جد هناك كاتب عظيم داخل كل نفس منا ينتظر فرصة فقط.أخ يوسف هناك أولاد سموهم أولاد الشوارع ..وأنا أسميك كاتب الشوارع..لأنك تكتب نبض الشارع...
12- كلب الشعايبة
عبد الرجال الديروطى 6/19/2008 5:52:39 PM بتوقيت الأردن
من كام يوم كان واحد غريب ماشى بشوارع قبلى البلد بديروط الشريف وعند بيوت الشعايبة هوهو عليه كلب جربان عنيه ملحطة زى ما يكون حاطط عليها مرهم فضربه الغريب بعصاية بوص كانت معاه وردوا عليه عيال الشعايبة برجمه بالطوب وجروا وراه هاتفين (بهلول العبيط بهلول العبيط)0 فرد عليهم الغريب وهو مسرع بحماره ناحية بحرى البلد وقال طيب ياللى ملقتوش حد يربيكم اناهجيب الرجالة وجاى لأهاليكم0كبة يا تعسه الخبر وصل رجالة الشعايبة فقالوا نروح ليهم بحرى البلد قبل مايجوناعلشان الهجوم خير وسيلة للدفاع وهما زاحفين محملين بالسلاح التقيل شافوهم ولاد اعمامهم من قبيلة الحويطات فطلعوا معاهم الشناوية والعوامر والفرارجية والمشرفية والسدارحةوالطناطوة وابو جريدة والدهايبه والمخالبه والمقالدة بحرى البلد طلعوا مع ولاد عمهم وهمس خبيث فى ودن شعيب ولدى وقاله ارجع ده انت اخوالك الجاحر من بحرى البلد والمثل بيقول تلتين الواد لأمه والتلت على عمه ومثل تانى يقول ان صح الواد يطلع لخاله واثناء تسلل شعيب للهروب من المعركة الفاصلة شافه عمه احمد ابو حسن السدارحى فصرخ فيه تعالى يا جبان معانا قاله شعيب ياعمى احمد بحرى اخوالى وولاد البطران ولاد خالتى فصرخ ابو حسن صرخة هزت العرب من المحيط للخليج وقال هية حصلت البطران روح ياد يامحمد (ابنه)يابن ال00 هات السلاح التقيل عشان شعيب بيقول ولاد خالتى واخوالى وهتف فى الجموع المحتشدة فى مربع الشعايبة :يا قوم لاأخوال بعد اليوم وردت الجموع كلنا بنداقه وفى هذا المشهد الرهيب اداه محمد السلاح التقيل وكان عبارة عن رجل سرير حديد بتاع زمان وطلعت بحرى البلد يتزعمهم ابو كريم البطران ومعاه سلاح اتقل وهوعباره عن عصايا كرنيف ونظر الجميع نحو أبو شعيب وهتفوا سمعة كلب الشعايبة فى رقبتك يلا افتح الجهاد وكان حال ابو شعيب يصعب عاى الكافر مفاصله سايبة وولد الطران ناويله بالعكف وابو حسن ناوى لولد البطران وفجاة جاء صوت مزلزل للدكتور حسين هجووووووووووووموارتفع الغبار وصال وجال كل واحد يدور على غريمه وشعيب وابوه طاروا فوق السطوح يتفرجوا وهتف واحد طيب من المقالدة :قتيل غريب ياناس فهدأت العاصفة لان القتيل من الغجر وصرخ عنتر سليمان المدعى المشيخةوالهبل : خراب يا دروط(ننطقها هكذا)كل واحد خد عيلته ومشى دة القتيل من الغجر وتعانق البطران مع ابو حسن السدارحى وقالوا لبعض المثل بيقول المعركة قبايل والدم بيوت والشعايبة قالت المعركة عايلات والدم بيوت صاحب الكلب هوه اللى يشيل الدم وطلع الكلب من غير صاحب وابراهيم ولد الشيخ مصطفى قال الكلب ده نصرانى علشان عندهم صيام وهوه جعان ومن كتر اكل الزيت عنيه ملحطة وفى الفجر احتل الغجر دروط وتقدم الركب عامر البطران وابو حسن السدارحى ومازال الغجر موجودين فعلا على ترعة الدروطية وعند كوبرى البغيلى بتاع رواية مستجاب وما زال الغجر ايضا فى فلسطين والعراق والخليج ودروط قسمت المقسم وجزأت المجزأ تحت شعار خلينا نربى عيالنا ونشوف ليهم رغيف عيش فقط ابو شعيب الخائر سابقا حمل السلاح الحقيقى واخذ وحيده شعيب وودع اسرته وذهب للجهاد فقالوا عنه ولاد دروط التى بلا شريف : ارهابيين